المشاركة الأصلية كتبت بواسطة سحر النجوم عفوا صاحب الموضوع تعب في احضار الروابط هذه فيرجى منك الرد على موضوعه لترى الروابط تقديرا له ولترى الروابط رٌد باستخدام الوضع المتطور للردفقط

مساء الخير اخوي فديت عيونك مشكور على الشجاعه اللي خلتك تدخل التحدي

واسمح لي انت قريت الشروط من غير زعل ياشاطر اصول التحدي كذا

وانا اوعدج واحلف بالله اني اكون صادق معج في الاجابات

بس اسمعي المثل يقول من مدح نفسه يبيله رفسه بس انا في اشياء بوضحها بس واللي واضحه وصحيحه ماراح ارد عليها واتمنى انج فهمتيني..!!

بسم الله الرحمن الرحيم>> يالله توكلنا على الله


1- اخوي فدى عيونك انت انسان متواضع جدا وحساس كثير رومنسي بنسبة 80 في الميه



2- عندك اصحاب كثير بس للأسف اغلبيت اصحابك يتقربون منك لصالح مصالحهم الشخصيه وانت

عارف الشي هذا بس ساكت مابيدك شي

احب اتعرف كثيييييير والله يستر من هالشي لاينقلب ضدي

3- تحب السفر كثير تحب كتابة الشعر تحس ان القلم صديقك في التعبير عن مشاعرك التي تكتبها
خجول نوع ما لكنك جريء احيانا في بعض الأمور وخصوصا اللي تتعلق بحياتك الخاصه

-اموووت في شي اسمه سفر حتى لدرحة اني بعض الاحيان اسافر مع الشله بدون ماخطط لهالشي يعني كل شي بسرعه يصير
-وانا اكتب شعر وانشالله القريب العاجل بتشووفون هالشي
-الجرءه عندي بعض الاحيان زايده عن حدها

4- تحب الوالد مره ولاترقض له طلب والوالده بس ابوك تحسه اقرب لقلبك

هذا الشي صحيح 100% ومادري وش السبب
عكس اخوي الي اكبر مني
مع ان اكثر الناس يصارح امه اكثر من ابوه
بس انا غير لدرجة ودي بوصفها بس مدري كيف اوصفلكم..!!


5- مرت بحياتك صدمه عاطفيه قويه تراجعت فيها الى الوراء لفتره طويله ولكنك استعادت قواك من جديد وبصوره افضل من قبل

<<<مو مره قوويه

6- انسان تحب المغامره بكل انواعها في العمل في السفر في كل شي تحب تخلق لنفسك عالم اخر من
من السعاده والمرح لكن ضوء الطبع الحزين يغلبك في بعض الأوقات

اما المغااامره الله وكيلج احب اسوي كل شي ابي لاكبرت انشالله وتذكرت الماضي ما احس اني في اشياء ماسويتها
والحزن لازم يجي خاصتن لاتذكرة اخوياي يوم كنا صغار كيف صارو الحين منهم الي مشالله عليه يدرس طب ومنهم الي تخرج مهندس ومنهم الي على وشك ومنهم الي ربي يكون بعوونه ومنهم الي تحت رحمة الله والخ الخ..!!

7- تحب ان تهتم بمظهرك الخارجي بنسبة 90 في الميه وتحب لبس الثوب اكثر..؟؟ صوووح



8- طبعك مع الفتاه ثقيل ومتنقاد ورا اي شي فيك نوع من الشموخ واثق من نفسك كثير ماتخضع لااحد
ابد الا في حاله واحده بس تخضع للي تحبه لوطلب عيونك تقوله انت تامر

الثقل زين..!!
والحب يستاهل كل شي

9- ماعندك طولة بال كثير تمل بسرعه بس عندك قلب طيب طيب
<<<ورااااااااااااااااثه
واكررره شي اسمه انتظاااااااااااااااار


10- تكره شي اسمها مجامله مع الناس ا هم شي راحتك وفي نفس الشي تراعاي مشاعر الأخرين
من غير ماتجرحهم يعني بطريقه مره جنتل

صوووح

11- رياضتك المفضله ركوب الخيل والسباحه والنت

ركوووب الخيل مشكوووك فيها بس اقسم بالله ان حاولت ماقدرت لدرجه ان اخوي الي اصغر مني كنت اطلع من الكليه وعلى طوول اوديه للاسطبلات الي عند مطار المللك فهد اخليه يتعلم عشان على الاقل واحد فينا يطلع يركب خيل عدل والحمدلله الحين صار نبر ون



12- اذا احد جرحك ماتنسى له الموقف مش تحقد عليه لا تحاول تبعد عنه بقدر ماتقدر لأ نك مانسيت تعامله وجرحه لك

واتوووقع ناس واجد مثلي


13- انت شوي مبذر في لبسك وعطوراتك وتحب تقتني كل شي حلو ماتبخل على نفسك ابدا

[في مثل يقوله جدي اول وانا متخذه الحين ((لاخير في حلال مايغني راعيه))

14- دائم المكان المفضل لديك البحر تجلس معه جلست مصارحه كأنك تلقى فيه الحلم اللي تنتظره
من زمان ماقدر افسر اكثر الباقي متروك لك

اي والله انج صادقه وعندي قصيده تتكلم عن هالشي هي طويله بس باخذ منها ثلاث ابيات
ولاكن بسكت وبخفي همومي **** وببين للعدا عزة كياااني
واذا حسيت اني ناوي اشكي **** بروح اقعد على حد المواني
وبشكي للبحر كل المشااكل **** وهو بينقلها للحد العماني
واموت وماحد يدري علامي **** ولايدروون منهوالي بلااني




15- في انسان مقرب جدا لقلبك وماقدرت اعرف من هو لاني عرفتك في فتره بسيطه وماقدر احدد بالظبط ولكنه موجود في حياتك من ترتاح اليه وتشتكي له دائم معك

الحمدلله موجوووووووود وادعي الله لايفرقنا ويديم هالغلاا يارب..!!



هذا واتمنى اكون وضحت اقرب صوره لشخصك اخوي فدى عيونك واتمنى اتمنى انك تكون صادق

معاي وتوضح اي شي اذا جهلته انا

سحر النجووم والله مدري وش اقووول وش اخلي بس الحين انا تأكدت ان فيج ربع
<<<ترا بدا يخااف منج

لاني والله وانا اقراا كلامج انتظر اقراا اسم امي واخواني

لان مشالله عليج وربي قربتي 95%
مابقيتي شي

وتقبل تحياتي ياغالي